GOLDEN EAGLE YLLI - TREPÇA
BOROZANI/ Arkiv
Ylli befason Trepçën
29 January, 2017 @19:33
Trepça ka pësuar humbjen e parë në Superligë nga një skuadër tjetër përveç atyre të katërshes së madhe.
Për këtë, “fajtore” është skuadra e Yllit, e cila i befasoi xehetarët duke i mposhtur me rezultat 85-74 në ndeshjen që u zhvillua në palestrën “13 Qershori” në Suharekë, në kuadër të xhiros XVI në Superligë.
Trepça ishte më e mirë në çerekun e parë, të cilin e përmbylli me epërsi 3 pikëshe, 18-21, ndërsa më pas filloi dominimi i vendasve, të cilët përveçse e përmbysën disavantazhin, krijuan edhe epërsi deri në dyshifrore.
Transferet e reja të huaja të Yllit u treguan të qëlluara, pasi që ishin bartësit e lojës së suharekasve, ndërsa prej tyre më i dalluari ishte amerikani Chris Olivier, që luajti me double-double prej 29 pikëve e 13 kërcime, ndërsa Trae Anderson dhe Kevin Brown shënuan nga 16 pikë secili.
Për Trepçën, i vetmi që u mundua të bëjë diç më shumë ishte Samir Zekiqi, që shënoi 21 pikë, ndërsa u vërejt mungesa e qendrës Kiel Turpin, që nuk u aktivizua fare në këtë ndeshje.
Kjo është fitorja e shtatë e Yllit në Superligë dhe njëkohësisht më e vlefshmja deri më tani, ndërsa për Trepçën është humbja e gjashtë.
Në xhiron e ardhshme, Trepça e pret në shtëpi Pejën, kurse Ylli luan kundër Rahovecit si mysafir.
Ylli
| 1 | Chris Olivier (35:49) | 29 pikë | 13 kërcime | 1 bllokadë |
| 2 | Trae Anderson (35:38) | 16 pikë | 8 kërcime | 7 asistime |
| 3 | Kevin Brown (40:00) | 16 pikë | 2 kërcime | 9 asistime |
| 4 | Ergin Grosha (24:33) | 10 pikë | 6 kërcime | - |
| 5 | Rilind Krasniqi (15:30) | 8 pikë | 4 kërcime | 2 asistime |
| 6 | Ujkan Karanezi (19:37) | 4 pikë | 5 kërcime | 1 asistim |
| 7 | Erris Nushi (18:11) | 2 pikë | 1 kërcim | 3 asistime |
| 8 | Devin Mathews (4:21) | 0 pikë | 1 kërcim | - |
| 9 | Egzon Fetiu (6:17) | 0 pikë | - | - |
| 10 | Endrit Elshani | - | - | - |
| 11 | Getoar Arifaj | - | - | - |
| 12 | Etnik Asllanaj | - | - | - |
Trepça
| 1 | Samir Zekiqi (36:49) | 21 pikë | 3 kërcime | 1 asistim |
| 2 | Montrael Scott (27:21) | 11 pikë | 6 kërcime | 2 asistime |
| 3 | Besnik Azemi (34:57) | 9 pikë | 5 kërcime | 1 asistim |
| 4 | Jeremy Wise (21:39) | 8 pikë | 1 kërcim | 5 asistime |
| 5 | Burim Zekiqi (21:06) | 7 pikë | 1 kërcim | 2 topa të vjedhur |
| 6 | Frederic Stutz (22:12) | 7 pikë | 2 kërcime | 1 top të vjedhur |
| 7 | Nikola Ljujic (19:55) | 6 pikë | 1 kërcim | - |
| 8 | Agon Selmani (15:58) | 5 pikë | 2 kërcime | 1 asistim |
| 9 | Albelard Rashiti | - | - | - |
| 10 | Rinor Selmani | - | - | - |
| 11 | Kiel Turpin | - | - | - |
