Zlatan me kontratë të re dhe me numrin 10?

Përkundër lëndimit të rëndë që e pësoi në muajin prill, Zlatan Ibrahimovic rikuperimin e tij po e kalon me hapa shumë më të shpejt se që pritej.

E kjo sipas të gjitha gjasave do t’i shpërblehet nga Manchester United.

Përveç raportimeve nga ESPN, edhe në disa foto të tjera nëpër rrjetet sociale, shihet që në dyqanet e Adidas-it nëpër Botë kanë filluar të shtypen fanella të Manchester Unitedit me emrin e suedezit në shpinë. Madje, siç duket numri i ri i Zlatanit do të jetë ai 10, pasi që numri 9 tashmë i takon belgut Romelu Lukaku.

Zlatan momentalisht është lojtar i lirë, ndërsa raportohet që United do t’i ofrojë kontratë të re me rrogë më të ulët.

Ditëve të ardhshme pritet të kuptohet se sa janë të vërteta këto raportime.