11 gola në Grupin C, Ajaxi e Sportingu vazhdojnë tutje

Plot 18 pikë për Ajaxin pas 6 ndeshjeve në Grupin C.

Skuadra holandeze sonte e mposhti 4-2 Sportingun e Lisbonës, për ta mbyllur grupin në mënyrë perfekte, si lider i padiskutueshëm i grupit. Nga vendi i dytë në 1/8 e finales është kualifikuar Sportingu i Lisbonës me 9 pikë (falë përballjeve direkte më të mira), kurse Dortmundi (9 pikë) përmes vendit të tretë ka kaluar në Europa League. Sonte Dortmundi e mposhti 5-0 Besiktasin, që përfundoi i fundit në këtë grup (0 pikë).

Shorti për fazat knock-out të Ligës së Kampionëve dhe Ligës së Evropës do të mbahet javën e ardhshme, saktësisht më 13 dhjetor në Nyon të Zvicrës.