DËNIMI NGA KD
3 ndeshje moslojë për futbollistin e Ferizajit
16 March, 2021 @21:21
Futbollisti i Ferizajit, që ka bërë karrierë në disa skuadra të Superligës, Elbasan Thaqi, është dënuar nga KD-ja e FFK-së me tri ndeshje moslojë.
Arsyeja e dënimit të dij është për shkak të kartonit të kuq të marrë në ndeshjen Ferizaji-Vitia. Kjo ndërhyrje e rrezikshme e tij, ka pamundësuar vazhdimin e lojës nga futbollisti kundërshtar.
“Futbollisti i KF Ferizaj, Elbasan Thaqi, me nr ID: 001606M91 në procedurë të hapur disiplinore nga Komisioni i Garave në ndeshjen e Ligës së Parë Grupi B java e 18-të, Ferizaj-Vitia. Ndëshkim me karton të kuq direkt, ndërhyrje e rrezikshme me taka në kokë, duke ia pa mundësuar vazhdimin e lojës lojtarit kundërshtar. Bazuar në nenin 43 paragrafi 1 pika A e Rregullores disiplinore: DËNOHET me ndalesë loje për 3 (tri) ndeshje sipas radhës të organizuar nga FFK,” ka bërë të ditur FFK-ja në njoftimin e botuar sot.
Mirëpo, sipas njoftimeve të fundit që vijnë nga klubi i Ferizajit, ata janë në krizë të thellë financiare dhe tashmë kanë botuar në faqen zyrtare të klubit se nuk do të dalin në ndeshjet e radhës të Ligës së Parë B të Kosovës, si shenjë bojkoti ndaj mospërkrahjes financiare.
