4 lojtarë me double-double në fitore

Përkundër mundit të treguar nga vendasit në çerekun e parë të ndeshjes, 25-28, Lipjani nuk ka arritur t’i bëj ballë Yllit, që ka marshuar më pas gjatë ndeshjes drejt fitores së 13 të stinorit.

Ylli ka treguar performancë të lartë veçanërisht në çerek të tretë të ndeshjes kur ka ndalur lipjanasit në 8 pikë, karshi 24 të shënuarave për fitoren përfundimtare 64-96 [25-28, 13-20, 8-24 dhe 18-24].

Gjashtë lojtarë të Yllit luajtën me pikë dyshifrore sonte, derisa Alban Veseli ishte më efikasi me 23 pikë, 7 kërcime e 2 asistime.

TABELA AKTUALE

Ardit Pepaj, Garrius Holloman, Romelo Banks dhe Leonard Mekaj përfunduan ndeshjen me double-double. Holloman luajti me 17 pikë e 17 kërcime, Banks me 13 pikë e 13 kërcime, ndërsa Mekaj me 12 pikë e 10 asistime. E Pepaj luajti me nga 10 pikë e kërcime në këtë fitore.

Në anën tjetër te Lipjani më i dalluari sonte ka qenë Michael Mitchell me 22 pikë, 7 kërcime e 3 asistime.

Derisa Ylli po mban vendin e dytë dhe po synon që të përfundojë stinorin me plasim direkt në gjysmëfinale të PlayOffit, Lipjani po shpreson në mbijetesë përmes një pozite nga PlayOut.