5-shja e sezonit të rregullt

Pas 28 xhirove të Superligës dhe 27 TOP 5-sheve të stinorit, është përcaktuar edhe 5-shja më e mirë, më konstante e sezonit të rregullt të Superligës për stinorin 2018/19.

Kështu, me më së shumti paraqitje në TOP 5-she Dardan Berisha, Fred Richardson dhe Jordan Capps kanë qenë të padyshimtë në ekipin më të mirë të kombinuar të sezonit.

Ndërsa në 5-she me ndeshjet e mira të treguara kanë hyrë edhe dyshja Samir Zekiqi e Urim Zenelaj duke marrë pak më shumë pjesëmarrje në 5-shet e rregullta javore të TopSporti.com ,për të kompletuar ekipin më të mirë të sezonit të rregullt në Superligë.

Ajo që ia vlen të përmendet është se tre prej basketbollistëve në 5-shen më të mirë të sezonit të rregullt janë vendorë, ndërsa vetëm dy të huaj, derisa të gjithë basketbollistët në këtë ekip janë që nga fillimi i sezonit te ekipet e tyre dhe kanë qenë standard në më meritorët e rezultateve të arritura të skuadrave të tyre në Superligë.