A do të vjen finalja e radhës për Yllin, apo barazohet seria?

Trajneri i fundit i ardhur te Golden Eagle Ylli, Adis Beciragic, i ka sjellë trofeun e parë ekipit muajin e kaluar.

Suharekasit ngritën trofeun e Ligës Unike të basketbollit që në edicionin e parë dhe historik të saj, ndërsa tashmë Beciragic është afër që të dërgojë ekipin edhe në finalen e radhës. Në atë që po e kërkon e gjithë Suhareka - finalja e PlayOffit dhe trofeu.

Pas humbjes në ndeshje të parë të serisë gjysmëfinale, Golden Eagle Ylli fitoi në Rahovec për të barazuar serinë dhe ka marrë epërsinë e terrenit. Tash ka epërsi 2-1 dhe serinë mund ta përfunojë sonte për të arritur finalen me 3-1 potenciale.

PLAYOFF SKEMA

Por, vreshtarët nuk mendojnë kështu. Pas dëshimit të sigurimit të finales në Ligën Unike dhe në Kupë të Kosovës, tash me Fotis Takianosin apetitet janë ndryshe.

Rahoveci kërkon që sonte të barazojë serinë ndaj rivalit të madh të tyre në 13 qershori dhe të bart serinë në shtëpi, ku në Mizahir Isma të festojë finalen e PlayOffit me fitore potenciale.

Se plani i cilës skuadrës do të arrihet, gjithçka vendoset sonte. Ndeshja fillon në 20:15 në 13 qershori, ndërsa Golden Eagle Ylli dhe Rahoveci pritet të dhurojnë luftë për secilin top në përballje.