PAS FITORES
Adis Beciragic: Epërsia në PlayOff s’thotë shumë
30 April, 2021 @23:55
Trajneri i Golden Eagle Yllit, Adis Beciragic, ka dhënë deklaratë pas ndeshjes së fituar të ekipit të tij ndaj Rahovecit në kuadër të duelit të tretë të serisë gjysmëfinale të PlayOffit.
Golden Eagle Ylli me fitoren e sontme ndaj Rahovecit ka përmbysur epërsinë fillestare të vreshtarëve në seri prej 1-0 në 1-2 dhe tashmë suharekasit janë vetëm një fitore larg finales së madhe të PlayOffit.
“Ka qenë një lojë shumë e mirë PlayOffi ku të dyja ekipet po japin maksimumin me lojtarë që kanë në dispozicion. Lojtarët janë pak në numër por po japin shumë nga vetja. Jemi 2-1 në epërsi por kjo në PlayOff s’do të thotë asgjë,” ka thënë ai fillimisht për të vazhduar.
“Natyrisht vërehet edhe lodhja në ekip,” ka thënë ai kur u pyet për shkrirjet e epërsisë së ekipit që po i bëhen përgjatë ndeshjes, pasi që suharekasit kishin epërsi 15+ dhe mysafirët e shkrinë thuajse në tërësi këtë.
“Përveç lodhjes janë edhe disa gjëra tjera që ndikojnë në ngritje-rënie të ekipit, por këto gjëra nuk janë për opinion,” tha në fund ai.
Tash, të martën Golden Eagle Ylli përsëri luan si vendas ndaj Rahovecit në 13 qershori të Suharekës. Nëse Ylli fiton, do të sigurojë finalen e PlayOffit. Nëse mposhtet, atëherë seria për ndeshjen vendimtare, të pestë, bartet në Mizahir Isma të Rahovecit ku do të përcaktohet finalisti nga kjo gjysmëfinale.