GAME 3: YLLI - RAHOVECI
Ylli një hap para finales
30 April, 2021 @22:12
Skuadra e Yllit e mposhti Rahovecin në ndeshjen e tretë gjysmëfinale me rezultat 77-68 dhe kaloi 2-1 në epërsi të serisë.
Ylli gjatë ndeshjes e kishte krijuar një epërsi mbi 10 pikë, derisa Rahoveci e ngushtoi deri në 1 pikë në çerekun e katërt, por nuk mjaftuan për fitore përpjekjet në fund.
Skuadra suharekase në këtë ndeshje luajti pa lojtarin Mitchell Willbekin, derisa u dalluan Elyjah Clark me 25 pikë e 7 kërcime dhe Gëzim Morina me 17 pikë e 10 kërcime.
Në anën tjetër te Rahoveci Ed Daniel u veçua me double-double prej 19 pikëve e 13 kërcimeve dhe Darrell Davis me 18 pikë të tjera.
Ylli tani është 2-1 në epërsi të serisë gjysmëfinale dhe është një fitore larg finales. Ndeshja e katërt do të luhet përsëri në palestrën “13 qershori” në Suharekë.
