Adebayor protagonist në historinë e Basaksehirit

Nënkampioni i Turqisë, Basaksehir dhe skuadra e sulmuesit së Kombëtares shqiptare Sokol Cikalleshi, duke e mposhtur Club Bruggen në ndeshjen e dytë të raundit të tretë në Ligën e Kampionëve, me rezultat 2-0, arriti të kualifikohet në fazën e Play Offit për t’u inkuadruar në ligën më të fortë europiane.

Ylli i ndeshjes ishte ish sulmuesi i Real Madridit, Emmanuel Adebayor, i cili shënoi një gol dhe bëri një asist.

Basaksehiri me këtë kualifikim i siguroi grupet në Europa League, derisa kundërshtarin e radhës për Ligë të Kampionëve do ta mësojë të premtën.