MVP OF THE HALF SEASON
TOPSPORTI / Arian Paçarizi
Alihodzic, MVP i gjysmëstinorit në Superligë
27 December, 2019 @20:07
Pas përfundimit të gjysmëstinorit në Superligë, TopSporti ka zgjedhur MVP-në e Superligës, bazuar në performancat e lojtarëve.
MVP i gjysmëstinorit në Superligë është zgjedhur Fahro Alihodzic i Prishtinës.
Prishtina nuk e nisi mirë stinorin në Superligë, por në këndellje rol të rëndësishëm luajti qendra Fahro Alihodzic, derisa Prishtina e përfundoi gjysmëstinorin në pozitën e parë.
Alihodzic luajti në 16 ndeshje për Prishtinën. Ai i shënoi 293 pikë, i rrëmbeu 175 kërcime dhe i bëri 36 asistime. Mesatarja e qendrës boshnjake ishte double-double prej 18.3 pikëve e 10.9 kërcime.
Prishtina e mbylli stinorin vjeshtor në krye të tabelës në Superligë me 13 fitore e 3 humbje.
