Altin Morina kalon te Rahoveci

Basketbollisti i deritashëm i Ylli të Suharekës, Altin Morina, është anëtar i ri i Rahovecit, ka bërë të ditur vetë klubi pak më parë përmes faqes zyrtare të ekipit, kbrahoveci.com.

Morina 22 vjeç, 194 centimetra i gjatë, do të jetë një përforcim i rëndësishëm për ekipin e Rahovecit, që po kalon stinorin e parë në Superligë.

NDËR MË TË DALLUARIT TE YLLI

Morina ka qenë ndër më të dalluarit te Ylli këtë stinor në Superligë. Ai është i treti për kah mesatarja në Superligë me asistime, duke dhënë 6 asistime për ndeshje në pjesën vjeshtore të kampionatit.

Mesatarja e playmakerit të ri të Rahovecit është 12.5 pikë për ndeshje dhe 4.4 kërcime.

NIS STËRVITJET MENJËHERË

“Basketbollisti është përfshirë menjëherë në stërvitjet e skuadrës që po vazhdojnë me intenzitet të lartë, derisa kanë përfunduar procedurat e regjistrimit. Ai do të debutojë për Rahovecin në ndeshjen e parë që e zhvillojmë si vendas ndaj Kerasan Prishtinës,” ka theksuar ndër të tjera klubi i vreshtarëve në njoftim.

Rahoveci po drejtohet me sukses nga trajneri Jeton Nixha. Ekipi stinorin vjeshtor e përfundoi me bilanc 4-8 dhe në pranverë do të kërkojë që të shtojë edhe më numrin e fitoreve të skuadrës.

FAKT: