DARUSSAFAKA-MILANO
Armani Milano fiton dramën ndaj Darussafakas
20 October, 2016 @22:49
Një ndeshje plotësisht e barabartë, me ndërrime minimale të avantazhit dhe luftë për çdo pikë u zhvillua sonte në Stamboll, ku Darussafaka pësoi nga Emporio Armani Milano 80-81.
Minutat e fundit të ndeshjes kaluan krejtësisht në zonën e gjuajtjes së lirë, ku ishte vendi i vetëm për të shënuar pikë në momentet e fundit të ndeshjes dhe fitues doli ekipi i Milanos.
Te ekipi i drejtuar nga kroati Jasmin Repesa, Armani Milano, më i vyeshmi sonte ka qenë Milan Macvan me 19 pikë, 6 kërcime e 3 asistime, ndërsa u dalluan edhe Mantas Kalnietis me 11 pikë dhe Jamel McLean me 11 të tjera.
Sa i përket ekipit turk, Adrien Moerman me 20 dhe Brad Wanamaker me 16 pikë kanë qenë më efikasit, por nuk arritën ta shmangin humbjen e parë të stinorit.
