LINDJE
Foto: Toronto Raptors Official
Barazohet seria
24 May, 2016 @4:58
Një tjetër super ndeshje e treshes DeRozan-Lowry-Biyombo ka bërë që seria e finaleve së Konferencës Lindore të barazohet në 2-2, me Toronton që pothuajse ishte në epërsi gjatë gjithë takimit, me përjashtim të pak minutave të çerekut të katërt, në të cilin Cavs u rikthyen në lojë, mirëpo dështuan ta fitonin ndeshjen në momentet vendimtare.
Ajo që ra në sy gjatë gjithë ndeshjes ishte paraqitja e dobët e Kevin Love, i cili vazhdon të zhgënjejë në momentet vendimtare të fazës play-off, ndërsa paraqitjet e mira të LeBron James me 29 pikë, 9 kërcime e 6 asistime dhe Kyrie Irving me 26 pikë e 6 asistime nuk luajtën rol në epilogun përfundimtar të rezultatit.
Në anën tjetër DeRozan dhe Lowry shënuan bashkë 67 pikë, duke qenë ta pandalshëm për mbrojtjen e Cavaliers. Asnjë dyshe nuk ka arritur të shënojë më shumë pikë në një ndeshje këtë sezon, as në playoff, as në sezon të rregullt.
Tashmë gjithçka është e barabartë, ndërsa ndeshja e radhës zhvillohet në Cleveland.
