Toronto ngushton serinë në ndeshjen historike

Në një natë historike për sportin kanadez, ku për herë të parë u luajt një finale e Konferencës Lindore së NBA, Toronto arriti ta mposhtë skuadrën e Cleveland Cavaliers, duke e ngushtuar serinë e ndeshjeve finale në 2-1.

SKEMA PLAY OFF

Për dallim nga 2 ndeshjet e para, Raptors në këtë ndeshje u treguan më të mobilizuar në mbrojtje, duke pranuar shumë pak pikë në ‘paint’, dhe më efikas në sulm nën udhëheqjen e DeRozan, i cili dhuroi një paraqitje fenomenale me 32 pikë të shënuara.

Një nga faktorët kryesorë për fitoren e Raptors sonte ishte padyshim kongolezi Bismack Biyombo, i cili me 26 kërcime, 18 prej tyre veç në mbrojtje, arriti ta ndihmojë skuadrën e tij që ta ngushtojë serinë e finaleve. Paraqitje shumë të mirë pati edhe Lowry me 20 pikë të shënuara.

Në anën tjetër, James ishte më i dalluari me 24 pikë e 8 kërcime, ndërsa zhgënjyen totalisht Irving e Love, të cilët bashkë shënuan 16 pikë dhe nga loja kishin përqindje tejet të dobët të gjuajtjeve.

Ndeshja e katërt luhet përsëri në Kanada dhe nëse Raptors aplikojnë lojë të njëjtë, seria mund të barazohet.