Barcelona ndalet në ‘Mestalla’, ngushtohet diferenca

Në ndeshjen kryesore të xhiros në La Liga, Valencia e Barcelona zhvilluan një duel mjaft të bukur, i cili në fund u mbyll pa fitues përkundër rasteve në të dy cepat e fushës.

Pjesa e parë kaloi pa gola, mirëpo duhet përmendur që Barcelonës iu mohua një gol plotësisht i rregullt, pasi që çuditërisht gjyqtari nuk e pa që topi e kishte kaluar vijën pas goditjes së Messit dhe epërsia e Barcelonës u mohua.

TABELA AKTUALE LA LIGA

Kjo i kushtoi katalunasve në pjesën e dytë, me Valencian që e gjeti golin përmes Rodrigos, mirëpo ishte ish-lojtari i Valencias, Jordi Alba, ai që nuk e lejoi humbjen për skuadrën e tij. Alba golin e gjeti pas një asistimi maestral të Leo Messit, për ta barazuar kështu rezultatin në 1-1, rezultat ky që doli të ishte përfundimtari i takimit.

Ky barazim mes dy skuadrave të para në tabelë i konvenon dy skuadrave nga Madridi, të cilat e kanë ngushtuar diferencën pas fitoreve në ndeshjet e tyre përkatëse.