Bashkimi e Trepça, para dueleve të radhës

Dy skuadrat e Kosovës që garojnë në ligën ballkanike, Bashkimi e Trepça, do të kenë punë të vështirë këtë mesjavë në kuadër të xhiros së dytë të BIBL.

Trepça nesër do të zhvillojë duelin e parë si vendas në BIBL ndaj Karpos Sokolit maqedon. Ekipi mitrovicas vjen nga humbja në xhiron e parë, ku pësoi nga Tirana dhe do të kërkojë të arrijë fitoren e parë dhe historike në garën e parë ndërkombëtare që po merr pjesë.

Dueli zhvillohet në “Minatori” nesër, pra më 18 tetor dhe nis në ora 19:00.

Rivali i Trepçës, Karpos Sokoli, gjithashtu ka nisur me humbje stinorin në BIBL. Ata janë mposhtur nga Sutjeska në xhiron e parë të BIBL. Gjithashtu, Karpos Sokoli është mposhtur edhe nga Cibona në kuadër të ABA ligës ku garon.

TABELA AKTUALE

Të dy skuadrat do të kërkojnë fioren e parë të stinorit në BIBL.

Në anën tjetër, Bashkimi pret Kumanovën në Prizren, pasnesër, më 19 tetor. Ekipi prizrenas është mposhtur nga Kozuvi në duelin e parë të BIBL të këtij stinori, mirëpo në Superligë ende nuk dinë për humbje.

Derisa Bashkimi shpreson që të shënojë fitoren e parë të stinorit në BIBL, Kumanova në anën tjetër do të dojë të përforcohet në krye të klasifikimit, pasi që në duelin e parë ka shënuar fitore ndaj Teodos malazeze.

Ora dhe data e ndeshjeve: