Bashkimi humb me rezultat zyrtar

BIBL ka vendosur. Rilski Sportist e fiton ndeshjen ndaj Bashkimit me rezultat zyrtar, 20-0, pasi që ekipi prizrenas nuk udhëtoi për në Bullgari, për ndeshjen e radhës në kuadër të BIBL.

BIBL njoftoi dje për anulimin e ndeshjes, ndërsa sot përcaktoi edhe Vendimin sipas Rregulloreve për këtë ndeshje, kështu që Rilski merr 2 pikët e fituesit, por Bashkimit nuk i hiqet pika e humbësit, përkundër humbjes me rezultat zyrtar.

TABELA AKTUALE E BIBL

Rilski me këtë fitore në tavolinë merr kryesimin e BIBL.

Ndeshja e radhës për Bashkimin në kuadër të BIBL do të jetë më 17 janar me fillim prej orës 19:30 ndaj Blokotehnas maqedone, që drejtohet nga trajneri i njohur në Kosovë, Marjan Ilievski.

Kjo është hera e parë që Bashkimi po humb me rezultat zyrtar një ndeshje në kuadër të ligës ballkanike, në stinorin e tretë të pjesëmarrjes.