BARSY ATYRAU - BASHKIMI
Bashkimi kthehet me humbje nga Durrësi
9 January, 2019 @21:06
Skuadra kazake Barsy Atyrau, duke e mposhtur Bashkimin me rezultat 81-75, e regjistroi fitoren e parë në Ligën Ballkanike.
Epërsinë e krijuar në pjesë të parë, Barsy e menaxhoi deri në fund të ndeshjes për t’u njoftuar me fitoren e parë historike, derisa përpjekjet e Bashkimit në çerekun e fundit nuk mjaftuan për fitore.
Aragad Abramian ishte në natën e tij. Ai luajti me 21 pikë, 11 kërcime, 5 asistime e 4 topa të rrëmbyer, ndërsa pikë të njëjta shënoi edhe Vladimir Ivanov (21 pikë).
Te Bashkimi mundi i amerikanit Jordan Capps shkoi huq. Capps shkëlqeu me 40 pikë e 6 kërcime në humbjen e skuadrës.
Bashkimi, me një ndeshje më shumë, me bilanc prej 1 fitoreve e 5 humbjeve gjendet në pozitën e parafundit, derisa Barsy me 1 fitore e 4 humbje, me një nedshje më pak gjendet në fund të tabelës.
