PINAR KARSIYAKA - PRISHTINA
FOTO/ fiba
Pinar Karsiyaka pa telashe ndaj Prishtinës
9 January, 2019 @20:19
Skuadra turke Pinar Karsiyaka, me lehtësi e mposhti Prishtinën me rezultat 107-85, në ndeshjen e luajtur në kuadër të FIBA Europe Cupit.
Karsiyaka që nga fillimi i ndeshjes nuk e lëshoi epërsinë, derisa për skuadrën turke kjo ishte ndeshja e 200-të në histori të klubit në garat evropiane.
Sek Henry me 22 pikë e 11 asistime ishte më i dalluari në ndeshje, derisa me double-double prej 21 pikëve e 12 kërcimeve luajti edhe Assem Marei.
Te Prishtina u veçuan Kyan Anderson me 26 pikë, Khalid Boukichou me 22 pikë dhe Dardan Berisha me 16 pikë, por nuk mjaftuan për fitore.
Kjo ishte fitorja e dytë e Karsiyakas në ndeshjen e tretë në Grupin I, derisa për Prishtinën kjo ishte humbja e dytë në tri ndeshje të zhvilluara.
Prishtina ndeshjen e radhës do ta luaj kundër liderit të grupit s.Oliver Würzburg më 23 janar në ora 19:00.
