Bashkimi mposhtet në miqësoren e parë

Skuadra e Bashkimit është mposhtur në përballjen e parë miqësore të zhvilluar mbrëmë ndaj ekipit malazez, Sutjeska.

Ekipi portokall-e-zi nga Prizreni është duke marrë pjesë në një turne memorial miqësor në Niksic (Nikshiq) të Malit të Zi, ndërsa mbrëmë ka shënuar humbje ndaj ekipit të këtij vendi, me rezultat 84-70.

Boris Labovic i Sutjeskës me 19 pikë ka qenë lojtari më efikas në ndeshje, ndërsa amerikani i tyre Hubs dhe Cvorovic kanë shtuar nga 11 pikë të tjera në fitore.

Sonte, mbyllet turneu Ljubo Jovanovic, ndërsa dueli nis në ora 19:00 ku Bashkimi ndeshet me Lovcenin (Llovçen).

Njoftimi i Bashkimit ka bërë të ditur se trajneri i ri i skuadrës ka angazhuar të gjithë basketbollistët në dispozicion.