GAME 2: BASHKIMI - PROBET PRISHTINA
BOROZANI/ Arian Paçarizi
Bashkimi pa probleme në finale
22 April, 2018 @21:11
Sikurse në ndeshjen e parë, edhe në ndeshjen e dytë të serisë, vashat e Bashkimit mposhtën Probet Prishtinën, kësaj radhe me rezultat 75-49.
Bashkimi e bëri dallimin në çerekun e dytë, ku kundërshtares i lejoi të shënoi vetëm nëntë pikë dhe u krijua epërsia për t’u mos mbyllur deri në fund të ndeshjes.
Khadija Haywood-Brown, shkëlqeu me 28 pikë, 8 kërcime e 6 asistime, derisa u ndihmua edhe nga Anastasia Williams e cila luajti me double-double 13 pikë e 14 kërcime.
Te Probet Prishtina, vetëm dy lojtare e mbajtën barrën kryesore të skuadër. Irma Konjusha luajti me 25 pikë, 8 kërcime e 6 asistime dhe Marigona Rushiti me 14 pikë e 6 kërcime.
Bashkimi duke e mposhtur dy herë në seri Prishtinën, u kualifikua në finale. Në finale do të përballet me Penzën. Skuadra e cila regjistron 3 fitore, do të shpallet kampione e Ligës së Femrave.
