GAME 3: T-WOLVES - ROCKETS
Foto: nba.com
Fitorja e parë që nga viti 2004
22 April, 2018 @10:16
Minnesota Timberwolves e regjistroi fitoren e parë të Play Offit që nga viti 2004, duke e mposhtur Houston Rocketsin me rezultat 121-105.
Te ujqit e Minnesotës, pesë lojtarë luajtën me pikë dyshifrore, derisa më së shumti u dallua Jimmy Butler me 28 pikë, 7 kërcime e 5 asistime, i cili gjatë ndeshjes u lëndua por nuk kishte ndonjë lëndim më serioz.
Në anën tjetër, si zakonisht te Houstoni më i miri ishte James Harden, që luajti me 29 pikë, 7 kërcime e 7 asistime, por nuk mjaftoi për fitore.
Rezultati në seri është 2-1 në favor të Houstonit, derisa ndeshja e katërt do të luhet përsëri te palestra e Minnesotës.
