BASHKIMI - YLLI
TOPSPORTI/ A.P
Bashkimi pret Yllin në Prizren
20 January, 2019 @13:18
Me fillim nga ora 17:00, në palestrën “Sezai Surroi”, do të zhvillohet ndeshja ndërmjet Bashkimit dhe Yllit.
Synimi kryesor i kampionit aktual të Superligës, do të jetë fitorja, kurse të njejtin synim e ka edhe skuadra e trajnerit Arben Krasniqi, ngase në rast të humbjes së tyre dhe fitores eventuale të Rahovecit kundër Boreas, do të zbresin në pozitën e tretë në tabelë.
Ylli do të jetë pa lojtarin Robert Jones III, i cili u transferua në Rumani, derisa skuadra therandase u përforcua me Alban Veselin dhe basketbollistin amerikan Garrius Holloman.
Bashkimi gjatë afatit kalimtar u përforcua me Wofford Humphrey, derisa u largua nga skuadra Ergin Grosha.
Ylli me 9 fitore e 5 humbje gjendet në pozitën e dytë të tabelës, derisa Bashkimi ka bilanc prej 7 fitoreve e 7 humbjeve.
