Bashkimi rikthen Merovcin

Skuadra e Bashkimit e cila në stinorin e ri do të drejtohet nga trajneri me përvojë Miodrag Baletic, ka realizuar edhe transferimin e parë për stinorin e ri.

Drejtuesit e klubit portokallezi kanë siguruar shërbimet e ish basketbollistit të tyre, Mustafë Merovcit, i cili së fundi ishte pjesë e skuadrës RTV 21.

Në stinorin e kaluar Merovci ka pasur mesatare prej 12.5 pikëve dhe 4.4 kërcimeve për ndeshje në 12 paraqitje me Teleboysat, duke qenë njëri prej lojtarëve më të dalluar të këtij ekipi.

Ai fanellën e Bashkimit e kishte veshur edhe gjatë stinorit 2012/13, ndërsa më parë ka luajtur edhe për skuadra të ndryshme të Superligës si Sigal Prishtina, Peja dhe Kastrioti.