Berbatovci te Liria

Florim Berbatovci, sulmuesi i deritashëm i Prishtinës, do të jetë lojtari i ri i sulmit të Lirisë së Prizrenit. 

Berbatovci, që ka luajtur për disa ekipe kosovare, tashmë do të veshet me fanellën bardhezi të prizrenasve, ndërsa pritet të debutojë në ndeshje ndaj Drenicës, në Përparim Thaçi, javën që vjen. 

Ky është përforcimi i radhës te Liria, pas përforcimeve të huaja që i bëri më parë dhe atyre vendore, derisa llogaritet të jetë edhe i fundit para nisjes së stinorit të ri, shkruan sekretari i Lirisë në llogarinë e tij në Facebook sot.