Berisha snajperist, Prishtina e pandalshme

Sigal Prishtina e ka arritur qëllimin, duke u kthyer me fitore nga udhëtimi i parë jashtë vendit në kuadër të Ligës Ballkanike. Ekipi i trajnerit Sabit Hadzic ka triumfuar në Mal të Zi duke e mposhtur skuadrën e inkuadruar sivjet në këtë ligë, Mornar Bar.

Prishtina ishte dominuese gjatë gjithë ndeshjes. Bardhekaltërit prej se kaluan në epërsi prej tre pikëve 14-17 me trepikëshin e Dardan Berishës edhe rreth 4 minuta pa mbaruar çereku i parë, nuk lejuan kundërshtarin të afrohej deri në fund të takimit.

Epërsia më e lartë u arrit edhe 2 minuta e 47 sekonda pa mbaruar çereku i tretë, kur Jordan Hulls shënoi dypikësh për rezultatin 45-60. Mirëpo pas këtij rezultati malaziasit krijuan një seri të shpejtë prej 11-0, derisa Miroslav Damjanovic shkëlqeu duke shënuar 9 pikë brenda më pak se tre minuta lojë sa kishin mbetur deri në fund të çerekut të tretë, i cili përfundoi me rezultat 56-60 në të mirë të Sigal Prishtinës.

Seria prej 7 treshave!

Në fillim të çerekut të fundit rezultati u barazua në 60-60 me pikët e amerikanëve të Mornarit, Newell dhe Bryant.

Por më pas, prishtinasit i aktivizuan snajperët e tyre dhe me një seri fantastike prej 7 treshave të njëpasnjëshme gjatë kësaj periudhe, ku shkëlqeu Dardan Berisha me 5 treshe dhe Hulls e Bavcic i bashkangjitën atij me nga një tresh, përfundimisht ia vunë pikën dilemës për fituesin e ndeshjes.

Për Dardan Berishën pa dyshim se kjo ishte paraqitja më mbreslënëse në Ballkan Ligë duke shënuar plotë 41 pikë, prej tyre 8 trepikësha.

Vlen të ceket se trajneri i Prishtinës, Sabit Hadzic, në këtë ndeshje përveç pesëshes së parë aktivizoi vetëm edhe dy lojtarë të tjerë, duke e inkuadruar herë pas here edhe Blerim Mazrekun dhe Muhamed Hasanin nga banka.

Kjo është fitorja e dytë e Sigal Prishtinës në po aq ndeshje në Ligën Ballkanike, derisa ekipi malazias edhe pas përballjes së dytë mbetet pa e shijuar fitoren.

Rezultatet dhe tabela aktuale.

Statistikat ekipore

	Mornar Bar	Sigal Prishtina
Çereku i parë	18	24
Çereku i dytë	16	14
Çereku i tretë	22	22
Çereku i katërt	24	27
Kërcime në mbrojtje	24	26
Kërcime në sulm	9	9
Gjithsej kërcime	33	35
Asistime	18	17
Bllokada	-	1
Topa të vjedhur	4	5
Topa të humbur	8	12
Tentime për tre pikë	9/21	11/31
Tentime nga loja	31/65	35/73
Tentime nga gjuajtjet e lira	9/12	6/7

Statistikat individuale te Mornar Bari

1	Calvin Newell	20 pikë	5 kërcime	4 asistime
2	Miroslav Damjanovic	16 pikë	4 asistime	3 kërcime
3	Marko Perovic	15 pikë	7 kërcime	1 asistim
4	Milos Milosevic	10 pikë	9 kërcime	1 asistim
5	Glenn Bryant	9 pikë	8 kërcime
6	Milan Latkovic	8 pikë	2 asistime
7	Ivan Jelenic	2 pikë	5 asistime	1 kërcim

Statistikat individuale te Sigal Prishtina

1	Dardan Berisha	41 pikë	3 kërcime	3 asistime
2	Aaron McGhee	16 pikë	7 kërcime	2 asistime
3	Edin Bavcic	13 pikë	12 kërcime	4 asistime
4	Jordan Hulls	9 pikë	5 asistime	3 kërcime
5	Edmond Azemi	5 pikë	6 kërcime	2 asistime
6	Blerim Mazreku	3 pikë	2 kërcime	1 asistim