FITORE PEJANE
Foto: KB Besa
Besa fundos shpresat e Kastriotit
14 December, 2014 @18:31
Besa e Pejës ka arritur që të shënojë fitore ndaj Kastriotit të Ferizajit, në derbin e fundit të tabelës së klasifikimit sonte.
Pejanët, pas largimit të Fabian Gjukës, nën udhëheqjen e Hekuran Husajt, kanë arritur të shënojnë fitoren e parë me trajnerin e ri, që në ndeshjen e parë të tij si trajner i Besës.
Me këtë fitore, Besa tanimë është shmangur mirë nga Kastrioti i fundosur, që shpresonte në fitore sonte.
Te ekipi pejan, kanë debutuar edhe dy përforcimet e reja, Andre Armstrong dhe Ernest Freeman, që kanë dhënë kontribut të madh në fitore.
Kapiteni i ekipit pejan, Beqë Kovaçi, ka shënuar 24 pikë dhe 6 asistime në ndeshje, derisa Armstrong me 27 pikë ka qenë basketbollisti më efikas i ekipit. Freeman debutoi me 18 pikë për ekipin pejan, derisa edhe dy basketbollistë tjerë shënuan pikë dyshifrore te Besa.
Kastrioti, asnjëherë nuk arriti të bëj më shumë në ndeshje dhe mbeti pa fitore përsëri, edhe pse shpresonte shumë kësaj radhe. Stephen Coles me 27 pikë ka qenë më efikasi te ferizajasit, derisa Vincent Williams dhe Donald Lawes u dalluan gjithashtu, duke shënuar 24, respektivisht, 20 pikë.
Besa mbetet e parafundit në tabelë pas kësaj fitoreje, mirëpo, tani më me dy pikë të plota mbi Kastriotin, që është fundosur krejtësisht me këtë humbje.
Statistikat ekipore:
| Besa | Kastrioti | ||
| Çereku i parë | 25 | 20 | |
| Çereku i dytë | 26 | 28 | |
| Çereku i tretë | 24 | 15 | |
| Çereku i katërt | 30 | 32 | |
| Kërcime | 42 | 43 | |
| Asistime | 20 | 16 | |
| Bllokada | 0 | 3 | |
| Topa të vjedhur | 5 | 4 | |
| Topa të humbur | 14 | 11 | |
| Tentime për tre pikë | 8/19 | 9/28 | |
| Tentime për dy pikë | 30/48 | 25/52 | |
| Tentime nga gjuajtjet e lira | 21/28 | 18/25 |
Statistikat individuale te Besa
| 1 | Andre Armstrong | 27 pikë | 2 kërcime | |
| 2 | Beqë Kovaqi | 24 pikë | 13 kërcime | 6 asistime |
| 3 | Ernest Freeman | 18 pikë | 12 kërcime | |
| 4 | Blend Matoshi | 18 pikë | 3 kërcime | 2 asistime |
| 5 | Shpend Gashi | 14 pikë | 4 asistime | 2 kërcime |
| 6 | Taulant Dupa | 2 pikë | 4 asistime | 2 kërcime |
| 7 | Dion Basha | 2 pikë | 3 kërcime | 3 asistime |
Statistikat individuale te Kastrioti
| 1 | Stephen Coles | 27 pikë | 14 kërcime | 4 asistime |
| 2 | Vincent Williams | 24 pikë | 7 asistime | 6 kërcime |
| 3 | Donald Lawes | 20 pikë | 12 kërcime | 1 asistim |
| 4 | Gent Shabani | 10 pikë | 7 kërcime | 1 asistim |
| 5 | Armend Jashari | 9 pikë | 3 kërcime | 1 asistim |
| 6 | Hysen Sadiku | 5 pikë | 2 asistime | 1 kërcim |
