REKORDI
Sytë kah Kobe sonte
12 December, 2014 @16:31
Kobe Bryant nëse arrin të shënojë shifrën e 31 pikëve sonte do të kalojë Michael Jordanin në listën e koshashënuesve më të mirë të NBA.
Ekipi i tij Los Angeles Lakers ndeshet me kampionin aktual të NBA-së, San Antonio Spurs, ndërsa për Black Mamban ndeshja do të jetë speciale.
Ai ka treguar shumë herë se mund të arrijë që do, kurse sonte, sytë e të gjithëve do të jenë të kthyera kah ai, që do ta ketë mundësinë për të kaluar legjendën e basketbollit, Jordan.
Jordan ka përfunduar karrierën me 32 mijë e 292 pikë të shënuara dhe konsiderohet si basketbollisti më i mirë i të gjitha kohërave nga shumë basketbolldashës.
Bryant në anën tjetër, ka arritur të fitojë 5 tituj të NBA-së, pastaj lojtari më i ri në moshë që ka arritur 23 mijë pikë të shënuara si dhe ka pasur ndeshje me 81 pikë të shënuara! Lista e tij e sukseseve është e pafund dhe është duke e kaluar stinorin e njëzetë me 36 vjet mbi supe.
Video
A kanë dallim?!
Shikoni lëvizjet e bëra nga legjenda Michael Jordan dhe ato të Kobe Bryant. A nuk janë gati identike?
