Besa Peja i kthehet fitores, për t’ia minimizuar ‘89-shit gjasat për barazh!

Besa Peja ka vazhduar me fitore në shtëpi, kësaj radhe ndaj Trepçës’89. Sot pejanët fituan duelin ndaj mitrovicasve, duke shënuar kështu fitoren e dytë me radhë në shtëpi, ndërkaq mysafirët tashmë i kanë gjasat për barazh drejt Superligës, thuajse të shuara.

Pas pjesës së parë të mbaruar pa gola, ka qenë një pasim i Donart Sheqerollit që ka siguruar golin, që erdhe me shënim të Auron Ademit, në fillim të pjesës së dytë. Ky ka dalë të jetë më pas edhe rezultati përfundimtar i ndeshjes, Besa Peja - Trepça’89 1-0 [Auron Ademi 56’].

Fitorja, bën që Besa Peja pas 25 ndeshjesh të ketë 31 pikë dhe të mbyllë xhiron XXV në pozitën e gjashtë. Ndërkaq Trepça’89 mbetet e treta me 43 pikë nga 25 ndeshje, me 4 pikë më pak se Liria në pozitë të dytë (pozitë kjo që siguron barazhin) kur kanë mbetur edhe dy xhiro deri në fund të stinorit.

TABELA AKTUALE