Besa transferon reprezentuesin e Kosovës

Skuadra e Besës në futsall ka bërë një transferim të madh para fillimit të pjesës së dytë të kampionatit.

Ekipi pejan ka shtuar në radhët e veta reprezentuesin e Kosovës, Fadil Golin, i cili është rikthyer nga Zvicra.

“Duke ditur synimin që ne kemi në këtë kampionat e që është titulli kampion dhe pjesëmarrja në Champions League kryetari njëherit edhe trajneri i klubit Adnan Hyseni dhe super talenti Fadil Goli i cili ishte pjesë e klubit tonë për disa vite kanë arritë marrëveshje që të bashkohen edhe një herë për të punuar bashkë dhe për të arritur suksese në këtë kampionat,” thuhet në njoftimin e Besës.

Goli ka qenë njëri nga lojtarët më të rëndësishëm të përfaqësueses së Kosovës në parakualifikimet e mbajtura në Qipro, madje goli i parë i përfaqësueses ishte shënuar nga vet ai.

Besa aktualisht renditet në pozitën e dytë të radhitjes tabelare me 22 pikë, 3 më pak se lideri, Feniksi.