GAME 1: NETS - BUCKS
Brooklyn Nets fillon gjysmëfinalet me fitore
6 June, 2021 @10:22
Njëra ndër skuadrat favorite për ta fituar titullin, Brooklyn Nets, filloi gjysmëfinalet me fitore, duke e mposhtur Milwaukee Bucksin me rezultat 115-107.
Brooklyn Nets që nga sekonda e 48 e humbi super yllin, James Harden, që kishte tërheqje të muskulit dhe nuk ishte në gjendja ta vazhdojë ndeshjen.
Mungesa e Hardenit nuk është vërejtur në këtë ndeshje. Nets me performancën e Durantit dhe Irvingut arriti fitoren e parë në seri.
Kevin Durant luajti me 29 pikë e 10 kërcime dhe Kyrie Irving me 25 pikë të tjera.
Te Bucks më i dalluari ishte Giannis Antetokounmpo me 34 pikë e 11 kërcime.
Ndeshja e dytë e serisë do të luhet më 8 qershor nga ora 1:30.
