GAME 6: BLAZERS -NUGGETS
Denver në gjysmëfinale, eliminohet Portland
4 June, 2021 @10:56
Denver Nuggets, duke e mposhtur Portland Trail Blazersin edhe në ndeshjen e gjashtë, u kualifikua në gjysmëfinale të Konferencës Perëndimore.
Nuggets triumfoi në ndeshjen e fundit me rezultat 115-126, derisa performanca në pjesën e dytë e Denverit, luajti rol të rëndësishëm në fitore.
Nikola Jokic me 36 pikë, 8 kërcime e 6 asistime ishte më i miri te Denver, derisa u ndihmua edhe nga Michael Porter Jr me 26 pikë.
Te Portland si zakonisht edhe në këtë ndeshje ishte më i miri Damian Lillard. Ai luajti me 28 pikë, 13 asistime e 4 kërcime, por nuk mjaftoi për ta shpëtuar skuadrën e tij nga eliminimi.
Denver Nuggets e fitoi serinë me rezultat 4-2 dhe tani në gjysmëfinale të Konferencës Perëndimore do të përballet me Phoenix Suns.
