BUDUCNOST - CSKA
FOTO/ euroleague.net
Buducnost befason CSKA Moskën
23 November, 2018 @22:54
Befasia e xhiros IX në Euroleague erdhi sonte nga skuadra e Buducnostit, e cila e mposhti gjigandin rus CSKA Moskën me rezultat të ngushtë 93-92.
CSKA Moska, deri në këtë ndeshje nuk kishte asnjë humbje, ndërsa u njoftua sonte nga skuadra debutuese e Euroleagues.
Danilo Nikolic, i cili shënoi gjashtë sekonda para përfundimit të ndeshjes u bë hero i natës, derisa Cory Higgins e kishte rastin për fitore, por nuk arriti të shënojë në fund.
Earl Clark ishte koshashënuesi më i mirë te skuadra nga Podgorica me 18 pikë, derisa u dalluan edhe Nemanja Gordic me 17 pikë dhe Danilo Nikolic 14 pikë.
Te CSKA-ja më së shumti u dallua Nando De Colo me 19 pikë e 6 asistime, por nuk mjaftuan për fitore.
Me këtë disfatë, nuk ka skuadër të pamposhtur sivjet në Euroleague, derisa CSKA Moska zbriti në pozitën e tretë me 8 fitore e 1 humbje, kurse Buducnosti ka bilanc prej 2 fitoreve e 7 humbjeve.
