TE PEJA
Burwell do të zëvendësojë Tillotsonin
5 November, 2016 @23:51
Basketbollisti që së fundi u paralajmërua si përforcim nga Peja, i rikthyer Kevin Burwell, do të jetë në dispozicion të ekipit derisa të kuptohet kohëzgjatja e lëndimit të Austin Tillotsonit.
Tillotson ka thyer një kockë të shputës dhe ende nuk dihet se sa do të mungojë te Peja, ndërsa ekipi ka paraqitur për regjistrim Burwellin, që është i njohur për publikun pejan.
Njoftimin e ka bërë të ditur Koha Ditore sot, ndërsa trajneri Aleksandar Todorov i Pejës, ka thënë se kohëzgjatja e qëndrimit të Burwellit në ekip do të varet nga diagnoza e Tillotsonit.
