ANADOLU EFES vs PANATHINAIKOS
Ndeshja me dy vazhdime i takoi Anadolu Efesit
4 November, 2016 @22:07
Të pranishmit në Abdi Ipekçi Arena janë ngopur me basketboll sonte.
Ndeshja Anadolu Efes me Panathinaikos shkoi dy herë në vazhdime, derisa në fund fituese doli skuadra turke duke e mposhtur kundërshtarin me rezultat 91-83.
Françezi Thomas Huertel ishte koshashënuesi më i mirë te Efesi me 17 pikë, ndërsa ndihmë morri edhe nga Tyler Honeycutt që shënoi 15 pikë të tjera.
Te grekët më i dalluari ishte K.C Rivers me 15 pikë.
Anadolu Efesi me dy ndeshjet e fundit që i fitoi dha sinjale të këndelljes, ngase stinorin e startoi me 3 humbje radhazi, ndërsa Panathinaikos ka bilanc prej 3 fitoreve e dy humbjeve deri më tani.
