CAVS vs CELTICS
Kampioni vazhdon pa humbje, viktima e radhës Celtics
4 November, 2016 @8:58
Kampioni aktual i NBA-së, Cleveland Cavaliers, nuk e shijoi humbjen as në ndeshjen e pestë, duke e mposhtur Boston Celticsin me rezultat 128-122.
Në skenë te Cavsi përsëri ishte super ylli LeBron James, i cili shkëlqeu me 30 pikë, 12 asistime e 7 kërcime. Rol të rëndësishëm në fitore luajtën edhe Kevin Love me 26 pikë dhe Kyrie Irving me 23 pikë.
Isaiah Thomas u dallua me 30 pikë te Bostoni, por nuk mjaftuan për ta befasuar Clevelandin në top formë.
Cavaliers e regjistroi fitoren e pestë të stinorit, derisa Bostoni ka bilanc prej 3 fitoreve e dy humbjeve deri më tani.
FAKT:
| Cleveland Cavaliers për herë të parë që nga stinori 1976-77 ka arritur të nis stinorin me seri 5-0. |
