NEW YORK vs CLEVELAND
Cavs përfundon serinë e Knicksit
8 December, 2016 @10:53
Pas katër fitoreve resht nga New York Knicks, seria e tyre përfundoi në Madison Square Garden në ndeshjen ndaj kampionit aktual Cleveland.
Ashtu edhe si u prit, nuk ndodhi ndonjë befasi, derisa Cavs dominoi totalisht, ku gjatë lojës e ngriti epërsinë deri në 35 pikë, kurse asnjëherë nuk ishte në dizavantash gjatë tërë ndeshjes.
Ndeshja përfundoi me rezultat 126-94 në favor të Cavaliersit, ndërsa në skenë ishte si zakonisht treshja fantastike Irving (28 pikë), James (25 pikë) dhe Love (21 pikë).
Në anën tjetër, te New York Knicksi ishte i “shukatur” ylli i skuadrës Carmelo Anthony, i cili luajti me vetëm 8 pikë, gjë që ndikoi edhe në humbjen e skuadrës.
Cleveland e regjistroi fitoren e 15, ndërsa kanë humbur 5 herë deri më tani, kurse Knicks ka bilanc prej 12 fitoreve e 10 humbjeve në Konferencën Lindore.
