Celina maestral, sjell fitoren

Sulmuesi i përfaqësues së Kosovës, Bersant Celina, është bërë përsëri njeriu kryesor i skuadrës së U21 të Manchester Cityt sot. 

Përkundër tentimeve të shumta, asnjëri nuk kishte arritur të shënojë në portën e Norwich City, derisa Celina morri përgjegjësinë për të shutuar një gjuajtje të lirë - që maestralisht e çoi në portë për të fituar ndeshjen dhe pikët e reja për ekipin e tij. 

Edhe faqja zyrtare e Manchester Cityt ka lëvduar kosovarin. 

“City i mbetet borxhli magjisë së Celinës, për fitoren e radhës.”

“Në një ndeshje për t’u harruar për Cityn, kosovari i ka shtuar portfolios së tij edhe një gjuatje të lirë maestrale për të çuar ekipin e Patrick Vieiras në fitoren e merituar,” është thënë aty. 

Bersanti, të njejtën gjë ia kishte bërë edhe bashkëmoshatarëve të Chelseat ditë më parë.