Çereku i parë, vendos fitoren e Kosovës ndaj Kansasit

Basketbollistët e përfaqësueses së Kosovës kanë shënuar fitoren e radhës në miqësore ndaj ekipeve universitare amerikane në Itali.

Kosova sonte ka mposhtur Kansas State Universityn me rezultat 85-74, pasi një paraqitjeje mbresëlënëse në çerekun e parë, kur morrën epërsinë 23-9.

Çerekët tjerë kaluan barabartë dhe Kosova eci sigurt drejt fitores së radhës.

Ndeshja nisi me treshen e Justin Doellman dhe një të Dardan Berishës, për të krijuar epërsinë fillestare 6-0, ndërsa Doellman u përkujdes me pikët e radhës që të çoj rezultatin në 8-0.

Doellman në total shënoi 20 pikë, 5 kërcime dhe 4 asistime në fitore, ndërsa Drilon Hajrizi dha kontribut të madh në fitore me 18 pikë dhe 7 kërcime.

Dardan Berisha përfundoi ndeshjen me 14 pikë, 3 asistime dhe 4 kërcime, ndërsa përqindja e tresheve të Kosovës sonte ka qenë vetëm 37%, ku Scott Bamforth ka shënuar vetëm një nga tetë tentime.

Arben Krasniqi sonte ka shfrytëzuar të gjithë basketbollistët, përveç Mirza Ahmetbasicit, derisa Yll Kaçaniku përfundoi takimin me 10 pikë të shënuara.

Nga 4 miqësoret e zhvilluara në Como të Italisë, Kosova ka bilanc prej 3 fitoreve dhe vetëm një humbjeje, ndërsa nesër zhvillon duelin e fundit para se të kthehet në vend.

Statistikat ekipore

Statistikat individuale te Kosova