PRIZRENI - YLLI
TOPSPORTI / Arian Paçarizi
Cole: Jemi të uritur dhe të gatshëm
14 October, 2018 @21:14
Fundori amerikan i Prizrenit, Elliot Cole, sonte kundër Yllit ishte i pakapshëm. Ai shkëlqeu me 42 pikë, 6 asistime dhe 3 kërcime, ndërsa shënoi 10 herë nga vija e treshit.
Cole në një bisedë me TopSporti.com ka thënë se është krenar me skuadrën dhe se janë të gatshëm për ndeshjet e radhës.
“Jam shumë krenar me skuadrën dhe se si luftuam për ta rikthyer ndeshjen.
Nuk e filluam aq mirë, por arritëm të kthehemi. Bashkëlojtarët e mi dhe unë ishim të fokusuar vetëm në fitore, prandaj ishte një fitore e rëndësishme për ne, veçanërisht që ishim vendas. Këtë performancë e arrita me ndihmën e skuadrës dhe stafit të trajnerëve, si dhe me punën time gjatë stërvitjeve ekipore dhe individuale. Ne jemi të uritur dhe jemi të gatshëm për ndeshjen e radhës”.
Prizreni aktualisht ka 3 fitore dhe vetëm një humbje, ndërsa ndeshjen e radhës do ta luajë kundër Rahovecit.
