Cou te Barça! €15mln nga xhepi

Mesfushori 25 vjeçar, Philippe Coutinho, është zyrtarizuar para pak minutash si lojtar i ri i Barcelonës.

Klubi katalonas ka publikuar njoftimin se ka arritur nënshkrimin e lojtarit me të cilin ka nënshkuar kontratë 5 vjeçare.

Barcelona, ka paguar 120 milionë euro në arkën e Liverpoolit si dëmshpërblim, ndërsa 40 milionë euro tjera do t’i merr klubi nga Anfield Road në bazë të performancave të lojtarit.

Për më tepër, Mundo Deportivo, ka bërë të ditur se Coutinho ka qenë aq i vendosur të arrihet marrëveshja në mes të klubeve sa që braziliani ka paguar 15 milionë euro nga xhepi i tij për të shuar kërkesat e tanimë ish-klubit të tij.

Klauzola për lirimin e Coutinhos nga Barcelona, është vendosur në shifrën prej 400 milionë eurove.

Barcelona i ka garantuar gjithashtu lojtarit të ri të saj se pas një viti perforancë në ekip, do të ketë ngritje rroge mujore si dhe kontratë të përmirësuar me kompaninë e veshëmbathjeve sportive, Nike.