ATLETICO - GETAFE
Diego Costa i zakonshëm, shënon e përjashtohet, Atletico fiton
6 January, 2018 @14:50
Në duelin e parë në La Liga pas rikthimit të tij te Atletico Madridi, Diego Costa ‘vodhi’ titujt e mediave.
Sulmuesi spanjoll, që ishte ndëshkuar me karton të verdhë më herët për shkak të goditjes me bërryl ndaj kundërshtarit, golin e shënuar në minutën e 68’ e festoi me fansat në tribuna, duke bërë që gjyqtari sipas rregullave ta ndëshkojë me karton të verdhë, karton i cili ishte i dyti për Costan dhe ai u detyrua të largohet nga loja. Gjithsesi, kjo nuk ndikoi në epilogun final të ndeshjes, me Atleticon që veç kishte krijuar epërsi të dyfishtë dhe derbin lokal ndaj Getafes e mbylli me fitore 2-0.
Kjo fitore bën që Atletico t’i afrohet në 6 pikë Barcelonës, mirëpo kjo e fundit ndeshjen e xhiros nuk e ka zhvilluar ende.
