Curry shpëton skuadrën, Doncic përsëri në formë

Kampioni aktual i NBA-së, Golden State Warriors, me performancën fenomenale të Stephen Curryt, arriti ta mposhtë Dallas Mavericksin me rezultat 114-119.

Fundi i kësaj ndeshjeje kishte plot emocione, së pari Stephen Curry mori përgjegjësinë dhe shutoi nga distanca për ta kaluar skuadrën e tij në epërsi, derisa Dallasi e kishte rastin për të shënuar me Harrison Barnesin, po ky i fundit duke e humbur topin në sekondat e fundit ia dhuroi fitoren skuadrës mysafire.

Stephen Curry gjatë ndeshjes shkëlqeu me 48 pikë, 6 kërcime e 5 asistime, derisa shënoi 11 herë në 19 tentimet e tij nga vija e treshit.

Te Dallasi si zakonisht më i miri ishte talenti slloven Luka Doncic. Ai luajti me 26 pikë, 6 kërcime e 5 asistime, por nuk mjaftoi për fitore.

TABELA AKTUALE

Kjo ishte fitorja e katërt rresht dhe e 29-ta në total për Golden State Warriors krahas 14 humbjeve që i kanë, derisa Dallasi ka bilanc prej 20 fitoreve e 23 humbjeve.