Dardani gati për Kosovën

Lajmi i pranimit të Federatës së Basketbollit të Kosovës, në veçanti e ka gëzuar shumë edhe basketbollistin më të mirë në Kosovë, Dardan Berishën.

Ylli i Sigal Prishtinës shprehur gëzimin e tij nëpërmjet një postimi në Facebook, ku përveç tjerash, ka shkruar se do të jetë i pari që do ta pranojë me shumë zemër ftesën e reprezentacionit të Kosovës.

Dardani, siç dihet, më parë ka qenë pjesë e reprezentacionit të Polonisë, ku me shumë sukses e ka përfaqësuar këtë shtet në Kampionatin Europian, Eurobasket 2011 që ishte zhvilluar në Lituani.

Ja shkrimi i plotë i Dardan Berishës:

“Fansa të dashur,

Që nga momenti kur luaj basketboll nuk kam pranuar lajm më të mirë. Ma n’fund!

Falenderoj të gjithë ata që punuan për basketbollin ndër vite, ata që kurrë nuk u dorëzuan as në kohët më të vështira. Bravo edhe sponzorave që kurrë nuk na lanë vet.

Tash na pret puna ma e vështire. Tani duhemi të punojmë edhe më shumë me talenta të ri. Të krijojmë lojtarë të ri vendor. Ta krijojmë një kombëtare të fortë. Unë që nga tash e them që do të jem i pari që do ta pranoj me shumë zemër ftesën e reprezentacionit të Kosovës!

UNË JAM GATI!!!

URIME KOSOVË!!!”