EDHE NJË PËRFORCIM
Dayon Griffin te Feronikeli
24 January, 2020 @21:30
Nuk kanë të ndalur përforcimet te Feronikeli para ndeshjeve të Final 8 të Kupës së Kosovës dhe ndeshjeve të pjesës së dytë të stinorit të Superligës.
Vetëm dy ditë pasi që bën të ditur për ardhjen e qendrës Tavarion Nix, sonte zyrtarizuan edhe përforcimin e radhës në ekip, që është Dayon Griffin, që luan si lojtar në pozitat 1 dhe 2.
Griffin së fundi ka qenë pjesë e ekipit Al Ain në Emiratet e Bashkuara Arabe, është 20 vjeçar dhe 196 centimetra i gjatë.
Feronikeli në fundjavë luan ndaj Pejës në Superligë, ndërsa për Final 8 do të ketë përballë Bashkimin.
