MANCHESTER UNITED
De Gea qëndron!
23 July, 2017 @12:12
Përkundër spekulimeve të vazhdueshme gjatë tre-katër afateve të fundit kalimtare për një largim të mundshëm nga ‘Old Trafford’, duket se De Gea prapë do ta vazhdojë qëndrimin e tij te 20-herë kampioni anglez.
Kjo u konfirmua sot në konferencën për shtyp nga Jose Mourinho para ndeshjes miqësore me Real Madridin. Jose deklaroi që De Gea është i lumtur dhe do të vazhdojë të jetë numri 1 i portës së Manchester Unitedit.
Ndër të tjera, në konferencën e mbajtur sot Jose deklaroi që lojtarët që janë momentalisht të lënduar, Shaw, Young e Rojo, nuk do të jenë gati për fillimin e sezonit. Shaw do të rikthehet në shtator, Rojo në dhjetor apo janar, ndërsa Young do të jetë gati mes tetorit e nëntorit.
