Përshëndetja shkëlqyese e Neymarit, Barcelona mposht Juventusin

Ndoshta kjo e mëngjesit të sotëm ka qenë paraqitja e fundit e Neymarit, por do të mbahet në mend si një përshëndetje e lezetshme, pasi që braziliani shkëlqeu me dy gola në fitore ndaj Juventusit në International Champions Cup.

Përfoljet se ai mund të kalojë te Paris St Germain për rekord botëror prej 222 milionë euro dëmshpërblim, tashmë kanë ardhur në një fazë më serioze, por 25 vjeçari tregoi edhe njëherë se ai është magjik me top.

Juventus ka luajtur me 2-3 rezervistë në 11-shen e parë, por as futja në lojë e Paulo Dybalas e Gonzalo Higuainit më vonë, nuk ka ndërruar gjë në aspektin e fituesit, pos një asisti të Dybalas, që e shënoi mbrojtësi Giorgio Chiellini, për zbutjen e epërsisë së kundërshtarit.

Te Barcelona debutoi transferi i fundit i ekipit, Nelson Semedo. Në anën tjetër, polaku Wojciech Szczesny mbrojti portën e Juventusit, për të regjistruar paraqitjen e parë për bianconerët. Njejtë, edhe i ardhuri nga Milani, Mattia de Sciglio.

Ndeshjen e radhës Juventus do ta zhvillojë ndaj PSG-së, ndërsa Barcelona ndaj Manchester Unitedit.

Juventus 1-2 FC Barcelona - All Goals… by billiemccarroll