ANGLIA - LITUANIA
Defoe rikthehet me gol, Vardy vulos
26 March, 2017 @19:56
Anglia është reprezentacioni i vetëm në kuadër të kualifikueseve për Botërorin Rusia 2018 nga zona e Europës që ende nuk ka pranuar gol në portën e saj.
Kjo vazhdoi edhe sonte, duke shënuar fitore ndaj Lituanisë 2-0 në Wembley. I rikthyer në reprezentacion, veterani Jermaine Defoe ia nisi ndeshjes nga formacioni startues dhe shënoi golin e parë (pas katër viteve), ndërsa zëvendësuesi i tij, Jamie Vardy, vulosi fatin e ndeshjes në pjesë të dytë.
Kjo është fitorja e katërt në pesë ndeshje për Anglinë, derisa Lituania e pësoi humbjen e saj të dytë.
