Bazdarevic: Në Shqipëri për taktizime

Përzgjedhësi i përfaqësueses së Bosnës e Hercegovinës në futboll, Mehmet Bazdarevic, ka thënë se ekipi i tij udhëton në miqësore ndaj Shqipërisë për taktizime më shumë dhe rezultati është në plan të dytë.

“Shkojmë në Shqipëri, pas fitores së rëndësishme ndaj Gjibraltarit. Do të mundohemi që në miqësore të provojmë taktizime për ekipin që do të na shërbejnë për ndeshjet e ardhshme kualifikuese,” ka thënë Bazdarevic për faqen zyrtare të Federatës së Futbollit të Bosne e Hercegovinës (NSBiH).

Shqipëria pret Bosnën të martën prej orës 18:00 në “Elbasan Arena” të Elbasanit. Bosna është në Grupin H kualifikues për Botërorin Russia 2018 dhe nga 5 ndeshjet e para ka fituar 10 pikë, 1 më pak se Greqia e 3 më pak se Belgjika lidere.

Kuqezinjtë në anën tjetër, bëjnë pjesë në Grupin G kualifikues me 6 pikë nga 5 ndeshje.